يوميات معاطيب في الجامعة !!! [الأرشيف] - شبكة و منتديات صدى الحجاج

Gladiator

04-03-2009, 02:23

اول شي نداء الى رامي .. بدك تفوت يعني بدك تفوووت ... احسن ما اكشف المستور عن عمايلك واستغيبك واصير ازيد واخبص بدون ماتعرف

الى كل الاخوة الي كانوا معاطيب في الجامعة غيري انا ورامي والنشمي لانه ماظنيت في اعطب منا
رخوا اصابعكم على الكيبورد
بعد ما تطقطقوهن عشرين مرة ... ولع سيجارة والي مابدخن يشفله شفة قهوة واعطيها سرحان ورجع الذاكرة لايام الجامعه
وبلش قص علينا واخرط عن بطولاتك وذكرياتك في الجامعة ...........
كيف ضربت دكتور ... كيف اعطوك وسام الطالب المجتهد ....كيف كانوا البنات يلاحقوا فيك وانت معطيها ثقاله والبنات كانوا يغنولك يا يا يا يا واد ياتقيييل يا مجنني
وانتي كمان اخرطي وسولفي كيف كانوا يلاحقوك الشباب من اول البوابة لقاعة المحاضرة وانتي مطنشة ... وكيف كنت تطلعي معك عالجامعة من عند اهلك المخلل والزيتون واللبنة المدورة ....
كيف انك ماكنت تطلع من المكتبة .....

تذكر بس جيرة الله عليكوا لاتتذكرولي النكد والغم او اي ذكرى حزينة .. الواحد الي فيه مكفيه ومن اول ما وعيت عالدنيا نفسي اتعرف ع واحد مبسوط كل الي بعرفهم وجوهم بتجيب قضايا واكبر دليل رامي والنشمي ( يغص بالكوا الاثنين من اول ماعرفتكوا ما شفت يوم هنى ... حرام لو انكوا اولاد وزير كل يوم اطش معااه )
اتفقنا !!!... هون بس الذكريات الي بترفع الراس ... ( عادي لو كانت قتله اكلتها وانت في الجامعة برضوا بترفع الراس هذي )
الي بدو يحزن ويقلبها غم يروح عند دانا ع منتداها فش غلك ويفش غله للصبح ويلعن راس عمة خالو الي راح يحكي معه شي

خخخخخخخخخخخ ايام السنفرة لا تنسوها مش تغطرشوا عنها وكيف كنت اهبل ويضحكوا عليك الخناشييير

يلا بلشوووووووووووووا فيعوووووووووووووا فرجونا بطولاتكم .........

ريماس

04-03-2009, 05:11

ما كنت اطلع من المكتبة لا والله ما كنت ادخل المكتبة غير لانه صاحباتي مثقفات قال

ودايما هناك كنت اروح على المكتبة علشان اطلعهن

والي متذكرتة عن المكتبة اني دخلتها مرة وحدة بس علشان يختمولي براءة الذمة لاني بدي اتخرج

بس والله الجامعة حلوة بس بصراحة انا مش متذكرة اشياء كتيرة

اللي 8 سنين متخرجة

Gladiator

04-03-2009, 08:31

يووووووو هذا انتي من المحاربين القدامى ريماس ... ريماس اعترفي لما كنتي سنفورة ... بالله عليك ما خلوك تشلحي الكندرة بس تفوتي المكتبه

ميسم الجنوب

04-03-2009, 10:37

:hh13:انا درست بالجامعة الاردنية وفي السنة التالتة اخدت مادة من كلية الحقوق انا وصاحبتي عند دكتور من عيلة شطناوي طبعا الدكتور عصبي جدا ومعطي الدنيا اوف بدخن بالمحاضرة وكنا ناخدها بمدرج عدد الطلاب لا يقل عن 40 طالب ودايما بيجي عالوقت واللي مش بدخل بعدو اللي بدخل معاه عالمحاضرة بيطرو ما بيخليه يحضر وان الله جاب مقعدي قدامه الصف الاول وانا فيي عادة بحط رجل على رجل ربضل احرك رجلي امام خلف طبعا الحركة نرفزت الدكتور نبهني اول مرة وتاني مرة والتالتة طردني شر طردة من المحاضرة لا يوقع حدا هيك وقعة

بس احلى نهفاتنا كنا نتمشى مغربية بالجامعة ايام الصيف ف بنمشي ونحنا بنطلع في السما وبنحكي كنا اربعة يعني هبل كل العالم اللي بتمشي صارت تطلع لفوق متلنا بدورو على شو نحنا بنطلع ههههههههههههههههههه
غير كتير نهفات اه زكرتوني في ايام من العمر

ريما الحندءة

04-03-2009, 15:20

يااااااااااااااااه على هديك الأيام وهديك الذكريات

اجمل ايام ايام الدراسة بالكلية والجامعة بحس الواحد فيها حاله انه صار شي مهم بالمجتمع وانه عم يكبر

موضوع حلو يا احمد وبحرك المشاعير

من اهم الذكريات اللي دائما بتذكرها وبذكروني فيها كل اللي كانوا معي وقت الدراسة هو التحدي اللي كنت موسومة فيه

كان معروف عن ريما انها ما بهمها حدا ولا بتخاف من حدا وجريئة وقوية ومندفعة

ما كنت اعتم لا بعميد ولا بنائب ولا بمساعد بس كنت احترمهم طبعاً

كان وقتها ادرس بكلية الطفيلة قبل لا تصير جامعة ايام ما كانت تابعة للبلقاء

كان عدد البنات فيها قليل كتير مقارنة بالشباب لنه اصلا كانوا مسكرين تخصصات البنات

وانا كنت في اول دفعة بنات

كانوا البنات دايماً منطوين على حالهم وحاطين حالهم بقوقعة وحدة بدخلوا مع بعض وبطلعوا مع وبياكلوا مع بعض

هيك جو ما بناسبني بكره الحبس واضلني في دائرة ضيقة ومغلقة كمان

كنت اجتماعية وبحب اتعرف عالناس والي احترامي عند الكل

واتعرضت لكتير مشاكل مع الإدارة عشان اجتماعيتي ولني كنت احكي مع الطلاب وما اهتم لحدا

هيك ابوي رباني اتعامل مع كل الناس وكل افئات كل حسب عقله وطبعاً حسب الحدود اللي انا برسمها حوالي واللي ما حدا بسترجي يتعداها

كان الي شلة معروفة كنت انا الـ big boss عليها (بنات طبعاً) الله يسهل عليهم كل وحدة صارت بديرة

احلى شي بهاي الشلة هي الطريقة اللي تعرفنا فيها على بعض

بلشت العلاقة بكره شديد متبادل بيننا احنا الأربعة

هن كانوا يشوفيني اني بنت مدللة ومنفتحة زيادة عن اللزوم وكانوا يفكروني عم اغزل عالناعم لمدرس عنا عزابي كان (والله لحد هلأ مو شايفته بعينه كله على بعضه) بس البنات كانوا يموتوا عليه ليش بعرفش

المهم ،، انا كمان كنت اطلع عليهم على اساس انهم دقة قديمة وانهم جدات جايين يدرسوا (بعد الكبرة جبة حمرا) وكنت اتخيلهم جلفين وما بينحكاش معهم

وبيوم من الأيام كنت قاعدة بالقاعة وهم موجودين وفجأة صرنا نحكي (الكل يعني) ونقلد بعض لقطات المسرحيات ،، ومن هون بلشت الصحبة عالعظم تمام

ولهلأ ما زال هناك تواصل بيننا واكتشفنا قديش كنا غلطانين بأحكامنا على بعض من بعيد لبعيد (اللي ما بعرفك بجهلك)

في كتير ذكريات حلوة ايام الدراسة وذكريات مرة كمان

بس كانت احلى ايام

فوضى مشاعر

04-03-2009, 20:14

هلأ انا لسى ما دخلت الجامعة بس انا والشلة الكات الي معي مجهزين كل اشي بس معليش اذا حكيت على ايامنا هلا احنا تحت المدرسة تاعتنا في دوار طبعا الشباب بكونو واقفين من الساعة عشرة بستنو فينا ننزل علشان يضهرو مواهبهم قودام البنات الig boss تاع الشباب والي مخاوي على نصهم اجرو مكسورة والمرة الماضية (الو اسبوع ما داوم مستحي) نزل على الدوار وبلشولكو البنات ضحك ومسخرة وهو ماشي وحاط راسه بالارض الله لا يذل حدى على كل حال بدو سنة ليرجع صورته الزاهية بعيون البنات وعلى فكرة حلو نحكي عن ايام المدجرسة جربو افتحو قلوبكو والي عنده يطلعه وفيكو تكسرو كل المقاييس

ريماس

05-03-2009, 01:07

احمد لا والله ما كنت اشلح كندرتي اصلا ما كنت البس كندرة وانا سنفورة كنت افكره عيب ههههههههههههههاي

الله يقطع شرك شكله حدا عاملها فيك انا ما بحب المكتبة وما كنت ادخلها وبعدين كل الي كانو فيها كبار معتقين وانا صغيرة كنت احسهم معقدين

وبعدين وانت سنفور بتحس حالك اهبل على الاخر والله

نشمي

05-03-2009, 01:46

ابو زغيب ذكرتنا بايام الاردنية وبرج الساعة ....
وايام البطيخ اللي على مسطح الشريعة ومطعم الجامعة في رمضان

وبتتذكر .... بنكمل بعدين
http://img144.imageshack.us/img144/9973/snow20.jpg

يالله تذكرو ياطلاب الاردنية ايام الجامعة الاردنية

اخخخخخخخخخخخخخخخخخخخخ
على هيك ايام
راح احكيلكم شغلات كثيييييييييييييرة

ميسم الجنوب

05-03-2009, 10:38

:hh13:ليه نشمي هو نحنا نسينا الاردنية لحتى نتذكرها هي دايما في البال

Gladiator

05-03-2009, 16:05

:hh13:انا درست بالجامعة الاردنية وفي السنة التالتة اخدت مادة من كلية الحقوق انا وصاحبتي عند دكتور من عيلة شطناوي طبعا الدكتور عصبي جدا ومعطي الدنيا اوف بدخن بالمحاضرة وكنا ناخدها بمدرج عدد الطلاب لا يقل عن 40 طالب ودايما بيجي عالوقت واللي مش بدخل بعدو اللي بدخل معاه عالمحاضرة بيطرو ما بيخليه يحضر وان الله جاب مقعدي قدامه الصف الاول وانا فيي عادة بحط رجل على رجل ربضل احرك رجلي امام خلف طبعا الحركة نرفزت الدكتور نبهني اول مرة وتاني مرة والتالتة طردني شر طردة من المحاضرة لا يوقع حدا هيك وقعة

بس احلى نهفاتنا كنا نتمشى مغربية بالجامعة ايام الصيف ف بنمشي ونحنا بنطلع في السما وبنحكي كنا اربعة يعني هبل كل العالم اللي بتمشي صارت تطلع لفوق متلنا بدورو على شو نحنا بنطلع ههههههههههههههههههه
غير كتير نهفات اه زكرتوني في ايام من العمر

ميسسم ..... اخ على الجامعة الاردنيه ... اسئلي نشمي عن مغامراتنا ... بعدين شكلكوا سارقينها منا شغلة انك تطلعوا في السما والناس تصير تتطلع
بعدين رايح اسولف عن كل النهفات في الاردنيه ...
وبالنسبه لطردتك من المحاضرة ياشيخة هذي كل يوم بتصيير معنا .. صارت طابع بريد على صلعتي وحتى قبل ما ادخل عالمحاضرة من عند الباب الدكتورر بعلن طردي من المحاضرة

نورتي انتي والجامعة الاردنيه وسكن الزهراء والاندلس والبرج والميلك والرئيسي

Gladiator

05-03-2009, 17:08

يااااااااااااااااه على هديك الأيام وهديك الذكريات

اجمل ايام ايام الدراسة بالكلية والجامعة بحس الواحد فيها حاله انه صار شي مهم بالمجتمع وانه عم يكبر

موضوع حلو يا احمد وبحرك المشاعير

من اهم الذكريات اللي دائما بتذكرها وبذكروني فيها كل اللي كانوا معي وقت الدراسة هو التحدي اللي كنت موسومة فيه

كان معروف عن ريما انها ما بهمها حدا ولا بتخاف من حدا وجريئة وقوية ومندفعة

ما كنت اعتم لا بعميد ولا بنائب ولا بمساعد بس كنت احترمهم طبعاً

كان وقتها ادرس بكلية الطفيلة قبل لا تصير جامعة ايام ما كانت تابعة للبلقاء

كان عدد البنات فيها قليل كتير مقارنة بالشباب لنه اصلا كانوا مسكرين تخصصات البنات

وانا كنت في اول دفعة بنات

كانوا البنات دايماً منطوين على حالهم وحاطين حالهم بقوقعة وحدة بدخلوا مع بعض وبطلعوا مع وبياكلوا مع بعض

هيك جو ما بناسبني بكره الحبس واضلني في دائرة ضيقة ومغلقة كمان

كنت اجتماعية وبحب اتعرف عالناس والي احترامي عند الكل

واتعرضت لكتير مشاكل مع الإدارة عشان اجتماعيتي ولني كنت احكي مع الطلاب وما اهتم لحدا

هيك ابوي رباني اتعامل مع كل الناس وكل افئات كل حسب عقله وطبعاً حسب الحدود اللي انا برسمها حوالي واللي ما حدا بسترجي يتعداها

كان الي شلة معروفة كنت انا الـ big boss عليها (بنات طبعاً) الله يسهل عليهم كل وحدة صارت بديرة

احلى شي بهاي الشلة هي الطريقة اللي تعرفنا فيها على بعض

بلشت العلاقة بكره شديد متبادل بيننا احنا الأربعة

هن كانوا يشوفيني اني بنت مدللة ومنفتحة زيادة عن اللزوم وكانوا يفكروني عم اغزل عالناعم لمدرس عنا عزابي كان (والله لحد هلأ مو شايفته بعينه كله على بعضه) بس البنات كانوا يموتوا عليه ليش بعرفش

المهم ،، انا كمان كنت اطلع عليهم على اساس انهم دقة قديمة وانهم جدات جايين يدرسوا (بعد الكبرة جبة حمرا) وكنت اتخيلهم جلفين وما بينحكاش معهم

وبيوم من الأيام كنت قاعدة بالقاعة وهم موجودين وفجأة صرنا نحكي (الكل يعني) ونقلد بعض لقطات المسرحيات ،، ومن هون بلشت الصحبة عالعظم تمام

ولهلأ ما زال هناك تواصل بيننا واكتشفنا قديش كنا غلطانين بأحكامنا على بعض من بعيد لبعيد (اللي ما بعرفك بجهلك)

في كتير ذكريات حلوة ايام الدراسة وذكريات مرة كمان

بس كانت احلى ايام

والله يا ريما جامعة الطفيله حلوة بس بدها مين يفهمها ...
كلنا تعززنا عنها ايام التوجيهي .. بس بعدين عرفنا انو القرار الصح انه لازم درسنا فيهاااااا
عنجد بحسدك عليها

rami

07-03-2009, 21:48

تحياتي ابو زغيب والله انك بتقلب ع الواحد الذكريات المتناسية يعني شو بدك اياني احكي والله اني كنت كويس وما عندي لف و دوران يعني كنت من المكتبة للمحاضرة للمصلى ومرات امر اسلم ع الشباب بتعرفني منت ما احب اختلط في الناس الغرب وانا سنفور كنت عنجد هبيلة يعني شلحت الكندرة ع باب المكتبة وكنت اتاخر 3 ساعات عشان اطلع في الباص لاني واقف ع الدور وما بدافش اما الحياة العاطفية انت عارف كنت استحي وبتلعثم في الكلام مع الشباب كيف البنات بس في بنت كنت احبها وكل الجامعه تعرف الا هي لاني ما كنت استرجي ابينلها والدراسه كنت غبي ودايما يطردني الدكتور والطلاب يضحكوا علي لهسه ما بعرف ليش مع انه كنت يطردني باسلوب منيح.
وللحديث بقية

Gladiator

09-03-2009, 12:32

هلأ انا لسى ما دخلت الجامعة بس انا والشلة الكات الي معي مجهزين كل اشي بس معليش اذا حكيت على ايامنا هلا احنا تحت المدرسة تاعتنا في دوار طبعا الشباب بكونو واقفين من الساعة عشرة بستنو فينا ننزل علشان يضهرو مواهبهم قودام البنات الig boss تاع الشباب والي مخاوي على نصهم اجرو مكسورة والمرة الماضية (الو اسبوع ما داوم مستحي) نزل على الدوار وبلشولكو البنات ضحك ومسخرة وهو ماشي وحاط راسه بالارض الله لا يذل حدى على كل حال بدو سنة ليرجع صورته الزاهية بعيون البنات وعلى فكرة حلو نحكي عن ايام المدجرسة جربو افتحو قلوبكو والي عنده يطلعه وفيكو تكسرو كل المقاييس

شيراز احكي الي بدك اياه ان شالله عن صاحب الدكانه الي جنبكوا
ومو حرام تعملوا في الشب هيك ... ارحموا عزيز قوم ذل ...
انا بعرفه هاي الشخصيه ابو عنتر وبكون شارد من المدرسه من الحصه الاولى هذا اذا داوم اصلا وبشتري دخان فرط من عند ام قيس ..شو بدك في ام قيس هذي جارتنا اكيد انتو عندكوا وحده ثانيه نفس ام قيس

وفكرة حلوة انه كمان نتذكر ايام المدرسه ...احلى ايام واحلى اساتذه
نورتي

Gladiator

09-03-2009, 12:52

احمد لا والله ما كنت اشلح كندرتي اصلا ما كنت البس كندرة وانا سنفورة كنت افكره عيب ههههههههههههههاي

الله يقطع شرك شكله حدا عاملها فيك انا ما بحب المكتبة وما كنت ادخلها وبعدين كل الي كانو فيها كبار معتقين وانا صغيرة كنت احسهم معقدين

وبعدين وانت سنفور بتحس حالك اهبل على الاخر والله

هههه الله يقطع شرك لحالك انا مابدي شري ينقطع بدي اخليه ماشي
اعترفي كمان شو في خبايص وانت سنفووورة ..
انا اذا حد المكتبه هينه لاتخافي جايني الدوور

Gladiator

09-03-2009, 14:24

اما انتو الاثنين يزن ورامي انا اصلا عملت الموضوع عشان اطلع فضايحكوا
على ميين يااا ما احنا الي دافنينه سوا ..
يزن ورامي وبالاخص رامي ... انتو كنتم مساكين اها ؟؟
تعترفوا انتوا ولا انا احكي انا بقول انتو تعترفوا لحالكم احسن

نشمي

09-03-2009, 16:53

وبتعرفني يا احمد
من المكتبة للمحاضرة وبالعكس
ماكنت اقعد عند البرج ولا كنا نعلق على البنات
ولا كنا بنجيب بطيخ على الجامعة
مؤدبيين كنا
صح ابو زغيب وهاي رامي شاهد

برج الساعة الجامعة الاردنية اروع ذكرى لي في الجامعة

Gladiator

12-03-2009, 04:25

لا حرااااااااام ولا كنت تفتح الجامعه وتسكرها
لا حرام ما كنت تدخل المكتبه بس في الشتويه عشان التدفئه

ريماس

12-03-2009, 04:33

والله كنت حاس انكم داخلين على طمع

اتدفو اتدفو ببلاش على حساب الحكومه

يا الله كيف الناس ‍!!!!!!!

Gladiator

12-03-2009, 04:58

حد المكتبه هينه ريماااس
كنا نقعد في كافتيريا الميلك جنب صاج الشراااك وصاحبنا الشغيل .. هو فكرنا صاحبناه عشانه ما بعرف انه عشان صاج الشراك
بس اجت الصيفيه ما فينا الي تعرف عليه

انذاال صح ؟

ريماس

12-03-2009, 05:08

انت حكيت انا ما دخلني

عقبال ما يجي الصيف واتصيرو تتهاوشو مين يطلع على المروحة وتعتقوني لوجه الله

rami

13-03-2009, 19:26

" عندما رأيت عيناك السوداء ايقنت أن الله موجود في السماء"

Gladiator

28-03-2009, 18:30

ههههههههههههههههههههههههههههههههههههههههه
بعدك متذكرها يا رامي
يقطع شرك
لما كنا طالعين من العماده ......
يغص بالك اي والله مية مرة

طيب بتذكر يا سيدي لما كنا في الجامعه الاردنيه وحطينا عاهد تحت الحنفيه وحممناه ميه من راسه لرجليه

اسرار

31-03-2009, 14:26

انا قصتي قصة وحكايتي جرصة
والله اني من المجتهدات درست بالحسين انا ولانه تخصص ادب انجليزي كان بده متابعة وانا اصلا بحب الدراسة من اول يوم الي فيها وانا في المكتبة والبنات صاحباتي ازا بدهم اياني في شي بيدوروا علي هناك وبيلاقوني وازا ما لقوني في المكتبة بكون في السكن مروحة عشان انام.
طبعا خبرة 4 سنين غلق في المكتبة وعلى اخرتها قبل سنة وانا سنة ثالثة يعني حبني امين المكتبة هناك واجا يطلبني .....
مسكين مهو طول هالثلاث سنين مو شايف غير حضرتي من الصبح لاخر النهار في خلقته ...مو عارفة ليش مع اني مو كثير واو وحلوة بس عن جد شكله قال في قرارة نفسة انه اتعود على هالخلقة وطبعا بعدها في شي 3 -4 اشهر خطبت انا .....
ومن هذاك اليوم والمكتبة مقترنة معاي وفي ذاكرتي .....

rami

31-03-2009, 21:39

ههههههههه والله ذكريات لا تموحوها السنين متذكر والله يوميتها متت من الضحك الحلو بالموضوع انو كل ايامنا كانت ضحك واتخوث يعني اضحكنا لما فلسنا
كل شي كوم وفيصل وال cd الفاضي كوم هههههههه.

اسرار

01-04-2009, 11:19

رامي.............احمد.............
لا تحكوا بالالغاز شاركونا معكم شو سي دي وشو اللي وراء اكيد في بنات على الخط:hh13:

Gladiator

01-04-2009, 12:24

اسرار الرااااائعه ....
اول شي هذا امين المكتبه منيح اللي ما اخذتيه لانه كان دخل على طمع .. شاف مداومتك في المكتبه حكى بكرة بتريحني بتقعد مكاني ههههه

وثاني شغله والله ما في الغاز ولا شي .. وانا ورامي الشغله الوحيده اللي كنا نعملها لما نشوف بنت حلوة .. نألف بيت شعر ارتجالي .. صح غلط عامودي حر فصحى عاميه تعليق المهم نطلع في عبارة

اما السي دي فهذا قصته قصه مع واحد مش عارف هو غبي ولا طييب كثيير .. ههههههههههههه يقطع شرك ياررامي شو عملت في الولد

والله يا اسرار بجوز ساعه ورامي بسرح في الولد ... وما بدك الباقي

بدي احكيلك وحده من النهفات ...

رامي انت كيف صرت رئيس مجلس الطلبه ؟؟ ههههههههههههههههههههههه
خليه يحكيلك القصه !!

اسرار

01-04-2009, 13:08

انا بالانتظار يالله رامي احكي اللي عندك
we are waitting!!!!!!!!!!!!

rami

01-04-2009, 22:22

you don't have to know asrar hhhhhhhhhhhhh it's a long story i could'nt
tell you
ahmad i wanan to kell you bro make your mouth close
hhhhhhhhhhhhh

Gladiator

02-04-2009, 00:38

hhhhhhhhhh

ok man

but ..Im insistent on my opnion

are u asrar with me ??

اسرار

02-04-2009, 13:11

yes ofcoure ahmad
rami you must tell us the story or even the novel
you promise us man

Gladiator

12-04-2009, 06:30

اسرار انا شايف انه الك زمان بتستني الجواب ..
ورامي اكبر مزييييط انا بعرفه ثعلب .. وحية من تحت تبن

فلذلك خلينا نسكر على الموضوع اريح الي والك .. هذاك ملعون والدين ما بتفرق معه

من الذكريات الي مستحيل انساها ...

اول ما تعرفت على اعز صديق الي (الله يرحمه ) كانت مشكله بيني وبين الي معاه

اسرار

12-04-2009, 13:43

ما محبة الا بعد عداوة

اسالني ......انا وحماتي هلا صحبة من الاخر ههههههههههههه:hhh16:

Gladiator

12-04-2009, 14:22

ههههههههههه
الله يديم المحبه .. بس يعني تعرفتي عليها في الجامعه كمان ههههههههههه

وين المعاطيب ما انا شايف ولا معطوب يحكي عن ذكراياته

Gladiator

12-04-2009, 14:22

ههههههههههه
الله يديم المحبه .. بس يعني تعرفتي عليها في الجامعه كمان ههههههههههه

وين المعاطيب ما انا شايف ولا معطوب يحكي عن ذكراياته

اسرار

13-04-2009, 12:58

ما بيكفي
انا وانت.........

rami

14-04-2009, 23:22

بغض النظر عن الاسلوب اللي رح تتبعه ما رح احكي اشي
والله يا اسرار ع سيرة المعاطيب كنت اسرع طالب بالدفعه اطلع من الامتحانات مش اني ما بعرف احل بس كنت احل بسرعه واغليها
والله في امتحان خلصته قبل ما الدكتور يخلص قراية الاسئله للطلاب امتحان final ونزلت المادة B...

Gladiator

16-04-2009, 01:38

بتعرفي لييش كان يطلع بسرعه ..والله والله عشان يشرب قهوة سادة ..برخص عند القهوة .. اخص ما اردى نفسك ههههههههه

ميسم الجنوب

16-04-2009, 12:43

هههههههههههههههههههههههههه في حدا ما بحب القهوة بالدنيا غيري انا

Gladiator

16-04-2009, 13:27

كيف عايشه يا ميسم انداري عنك

ميسم الجنوب

16-04-2009, 14:27

في اللاوعي هههههههههههههههههه

اسرار

20-04-2009, 12:39

بالفعل القهوة هي عصب الحياة والدراسة كانت عندي ما تحلا الا بفنجان القهوة من غير سكر وبوش كمان

كان تختي في السكن ع الطابق التاني ((الله وكيلكم زي السجن))) كنت لما بدي اطلع ادرس فوق اعلن الحرب على الكل
واحكي اني طالعة على الصومعة ولابسة النظارت والقهوة ع اليمين والشبس والتسالي ع الشمال والميه قدامي والكتب بين ادي واحكي الهم اني بلشت اتقوقع ع حالي

وهي دنيا ..... راحت لحالها

Gladiator

21-04-2009, 19:39

بد اعمل كل هذااااا عشان ادرس .. روحي هناك يجعلني لا درست
.. بتعرفي متى بحلالي الدراسه .. وانا في الباص او قبل الامتحان في نص ساعه
عشان هييك لهسه ما تخرجت (عارفك بدك تحكيها )

rami

22-04-2009, 23:16

ابو زغيب الله يطفي ثمك
قبل الامتحان بنص ساعه ما بتلحق تلاقي الماده وفي الباص بتمضيها نايم وثمك فاتح للذبان
الله يقويك يا قلبي

ميسم الجنوب

23-04-2009, 10:21

والله ما كنت اعرف الدراسة الا بيوم الامتحان ازا كان بعد الظهر وازا الصبح بصحى الفجر ساعتين بكون خاتمة اطول مادة فاينال مع هيك تخرجت بثلاث سنوات ونصف ومو هيك وبمعدل جيد جدا الجامعة الاردنية
مش زي بعض الناس

rami

23-04-2009, 21:03

ماشاءالله ياميسم بس يا ميسم انتو ما وراك غير الدراسه اما احنا الله يعلم كيف كنا نقدر نلحق على كل اشي يعني بتحكي زي الدينمو اول اشي دوام الجامعه بعديها بنطلع نعمل زيارات بين بعض يعني بتقدري تحكي بدون اكشن بعد هيك في طشة وبعديها يا شدة او ......
بتزكر انو في السنه التالته كنت انا وشب صاحبي اسمه وسام بعرفه احمد والله كنا بس اتدق الساعه 12 نتطلع نسهر ونروح ع ال3 او 4 انام كمن ساعه وبعديها ننزل ع الجامعه ويكون عنا بلاوي دراسه وامتحانات
وتقارير مختبرات وتحضيرات ومع هيك كنا نلحق....
بدكو النهفه كنا منزلين مع بعض ماده ما عرفنا انا مع بعض الا ب final لاني ما كنت احضر وازا حضرت بكون غايب

فارس الطفيله

24-04-2009, 13:26

السلام عليكم ورحمة الله وبركاته
كيف الحال مشكور
:h5:
:177[1]:

Gladiator

26-04-2009, 14:16

ماشاء الله عليك ميسم ...شو احنا بالنسبه الك ..احنا كثير علينا عاشر ..اصلا الجامعه مشان الشاطرين مثلك اما احنا الفاشلين ماخرجنا جامعات ننطم ونقعد في الدار احسن ..........

ومنكم نستفيد ....

اششششششششششششششششششششششششششششكرك بعنف ميسم

ميسم الجنوب

26-04-2009, 15:42

بتروح الدنيا سوالف يا احمد

اسرار

26-04-2009, 16:17

وهي على رايك ميسم سوالف
وللعلم هناك طرق اخرى للنجاح بعرف عنها من الناس اللي حوالي مو شرط الدراسة يا احمد
وفعلا انت حكيتها .......يقعدوا في الدار احسن

rami

26-04-2009, 23:18

قولتك القعده بالدار احسن لويش الجامعات يلعن ........ اللي بدو يحكي انو الدراسه كل اشي الواحد بقدر ينجح بشغلات تانية غير الدراسه
"هذا زينة العقل"
اصلا الموضوع هاد كله فاشل ليش نحكي عن الجامعه لازم نحكي عن شغلات تانية عشان ما نضيع وقتنا بأشي فاضي

اسرار

27-04-2009, 12:07

له له يا رامي بعين احمد بيزعل
هو الموضوع كثير حلو بالعكس وفرصة الواحد يستذكر الماضي الحلو والبشع برضه
وبس شكلك فهمتني غلط انا قصدي في ناس صح بتنجح في الجامعة بس في اساليب ملتوية
والكل بيعرفها
فهمت علي رامي
دخيلك كله ولا احمد يشن علينا حرب :hh25::hh25::hh25:

مشكور:022:
هههههههههههههههههههههه

Gladiator

10-05-2009, 17:20

صح كلامك اسرار في ناس بتنجح بطرق ملتويه وكمان في ناس ظروفها بتخليها تتأخر في الجامعه
في طلاااب بكونوا من المتفوقيين لكن بس يوصلوا الجامعه ما بتعرفي من وين بتجيهم المصايب
وفي ناس بتكون الضروف تهيأت الهم واصلا دراستهم سهله وبتلاقيهم خلصوا جيد جدا و ب 3 سنين ونص وبيني وبينك اصلا هو المفروض يخلصوا هيك
لانه اقل من جيد جدا لازم يوخذوا انذار لسهولة التخصص
حسرة علينا احنا الهندسه بننحت طول اليوم واخر شي اذا بنجيب مقبول نعمة كريم

رامي لا تعلق ولا تدقق على كلمة بننحت هههههههههههههه كذاب انا صح خخخخخخخخخخخخ

المهم
تذكرت نهفه .. مرة ايام الانجليزي 101
دخل طالب على الدكتورة وكان متاخر طبعا الدكتورة واقعه من طيارة ولا الها دخل
والطالب ثور الله في برسيمه اسمه ما بعرف يكتبه في الانجليزي
لما دخل الدكتورة بتحكيله out رد عليها هو لا ضربة ركنيه فرطت الدكتورة ومع هيك طردته

ومحاضرة ثانيه نفس الشب نايم وحكى الي لما يطلع اسمي في الحضور والغياب صحيني عشان احكي نعم
انا نذل ومش بس شوي كثييير
نادت الدكتورة اسم بنت والله ناسي شو هو الاسم روان بعرف ريم المهم صحيتوا بسرعه . الدكتورة بتنادي على اسمك
هو مثل الاسد نط نععععععععععم
والباقي عندكوا لاني كنت مغيب من الضحك ما بعرف شو الي صار هههههههههههههههه بس الي بعرفه انو انا وهو انطردنا من المحاضرة خخخخخخخخخخ

ريماس

10-05-2009, 17:26

انت بتستاهل اما هو والله مسكين يقطع شرك ما الئمك دانت كهين كهن ياراااااااااااجل انت هههههههههههههه

حرف

10-05-2009, 21:27

انا بديش احكي عن المعاطيب الي عنا بكليتنا خصوصا
لانه الصمت ابلغ
:h9:

اسرار

20-05-2009, 12:27

احكي حرف اتحفينا
لانه الزاوية مخصصة للمعاطيب
حلو نتزكر ايام الجامعة

حرف

22-05-2009, 22:17

اوكي عشانك بحكي
بدي احكيلكم عن مسلسل يومي ببدأ الساعة 7 صباحا
حسب ما سميته اسمه (عقلة ووضحة)
اما شو مسلسل رومنسي
عقلة ووضحة ما بقعدو مع بعض الا جوا الكلية
اما برا الكلية بخاف على سمعتها فبقعد قبالها
ومن الساعة 7 الى 8 وهم بتأملو ببعض عن بعد
ويا عيني البلوتوث شغال والمسجات
غير الاغاني الي من عام الف وتسعمئة وخشبة
ويا عيني ازا كانت بدها تقوم من المكان عند توافد الطلبة للكلية
بتقوم وبتقله بالاشارة انها رايحة هناك
طبعا معها وصيفاتها ..وهو معو الربع ...وبتروح هناك وهو والربع وراها
يعني قد ما احكي ما بوصفلكم جمال القصة الرومنسية
طبعا انا اول ما اوصل بقعد بمكان تكون الرؤية واضحة منه وبتابع المسلسل
مع الشوكلاته الصباحية
والله مسلسل احلى من المكسيكي والتركي
بس لو يلبسو الدبل بآخر حلقة بنبسط
الله يهديهم
:hhh4::hhh4::hhh4:

ريماس

23-05-2009, 05:11

اسمعي حرف المرة الجاي خليكي حدقه انتي شغلي البلوتوث واسرقي نغمات الي منه احسن منه هههههههههههههههههههه

وضحه وبنت عجلان ههههههههههههههههههههههههههههههههه

اسرار

25-05-2009, 17:19

ههههههههههههههههه
حرف في زمنك هاد في بلوتوث
انا عن زمننا ////// قال يعني انا عجوز/////// ههههههههه
كان مشجات وحتى ورقية او مراسيل الشباب والبنات بين بعضهم
وما كان في شي مبين كله منة وراء الاشجار
ههههههههه حرف اتحفينا ايضا بالمزيد